ရခိုင်လူမျိုးရို့၌ ခေတ်အဆက်ဆက် သီးခြားပိုင်ဆိုင်/ထိန်းသိမ်းလာကတ်တေ အမျိုးသားယိုင်ကျေးမှု ( ၅ ) ရပ်ကို အကျယ်တဝင့် ခွဲခြမ်းဖွင့်ဆိုချက်

အမျိုးသားယိုင်ကျေးမှုတစ်ရပ်ကို အင်္ဂါ (၅) ရပ်နန့် ထောက်ချင့်နိုင်ပါရေ ။ ယင်း (၅) ရပ်မာ - - -
၁ ။ ကိုးကွယ်မှုဆိုင်ရာယိုင်ကျေးမှု ။
၂ ။ ဘာသာစာပီဆိုင်ရာ ယိုင်ကျေးမှု ။
 ။ သုခုမအနုပညာဆိုင်ရာ ယိုင်ကျေးမှု ။
၎ ။ ဆင်ယင်ထုံးဖွဲ့မှုဆိုင်ရာယိုင်ကျေးမှု ။
၅ ။ ဗိသုကာဆိုင်ရာ ယိုင်ကျေးမှု ပင်ဖြစ်တေ ။

၁ ။ ကိုးကွယ်မှုဆိုင်ရာ ယိုင်ကျေးမှု
    ရခိုင်လူမှုအဖွဲ့အစည်း အားလုံးလိုလိုပင် ဗုဒ္ဓဘာသာဝင်များဖြစ်ကတ်တေ ။ ခရစ်ယန်ဘာသာဝင်လေ့ အချို့ဟိရေ ။ အစ္စလာမ်ဘာသာဝင်များ အချို့ဟိရေ။ ရိုးရာနတ် ကိုးကွယ်မှုလေ့ဟိရေ ။ ရခိုင်ရာဇဝင်မှတ်တမ်း များအရ ဗုဒ္ဓဘာသာရေ ရခိုင်ပြည်တို့ မဇ္ဈိမဒေသက ဗုဒ္ဓလက်ထက်တော်အခါကပင် ရောက်ဟိလာရေလို့ သိရရေ။ ရခိုင်ပြည်မာ ဗုဒ္ဓဘာသာထေရဝါဒ ထွန်းကားရေ ။ရဟန်းတော်များမာ ဧကစာရဂိုဏ်း နန့် ဗဟုစာဂိုဏ်း ရို့ နှစ်ဂိုဏ်းဟိရေ ။အယူအဆကွဲလို့ ဂိုဏ်းကွဲနီစွာမဟုတ်။ အရညဝသီတောမှီရေ ရဟန်းတော်များကို ဧကစာရီ လို့ခေါ်ရေ ။ ယင်းရဟန်းတော်အစုကို ဧကစာရဂိုဏ်း လို့ ခေါ်ရေ ။ မြို့တိ ရွာတိမှာ သီတင်းသုံးရေ ရဟန်းတော် တိကို ဂါမဝါသီ (ဝါ) ဗဟုစာရီ လို့ခေါ်ရေ ။ ယင်းရဟန်းတော်များအစုကို ဗဟုစာရဂိုဏ်းလို့ ခေါ်ရေ ။ အဂုခိုက်မာ ကံဂိုဏ်း ၊ ဒွါရဂိုဏ်း လို့ ကွဲပြားနီရေ ။ ကံဂိုဏ်းလို့ခေါ်ဝေါ်နီကတ်တေ ဂိုဏ်းမာ စင်စစ် ဗမာပြည်ကလာရေ ကံဂိုဏ်း မဟုတ် ။ အယင်က ရခိုင်ရဟန်းတော်များ၏ ဂိုဏ်းဆက်ဂိုဏ်းနွယ်များရာ ဖြစ်တေ ။

ရခိုင်ဆရာတော် ကြီးအချို့မာ ဗမာဆရာတော်ကြီးအချို့နန့် ဒွါရဂိုဏ်းကိုထူထောင်လိုက်ကတ်တေအခါ ရခိုင်ရဟန်းတော်များ လောကမာလေ့ ဒွါရဂိုဏ်းပေါ်ပေါက်လာရေ ။
ရခိုင်ပိဋကတ်တော်များ ၊ ဘုရားမြတ်စွာ၏ အဂ္ဂသာဝကဖြစ်တော်မူရေ အရှင်ဗာကုလမထေရ်နန့် မဟာစန္ဒသူရိယမင်းကြီးရို့ ရခိုင်ရာဇဝင်မှတ်တမ်းများမာ တွိရရေ ။ယင်းနောက် သီဟိုဠ် စတုတ္ထသံဃာယနာမူ နန့် မင်းအဆက်ဆက်တိုက်ဆိုင် တည်းဖြတ်ထားခကတ်တေ ။ ရခိုင်ပြည် ဗုဒ္ဓသာသနာတော်မာ မဟာမုနိ ကိုယ်စား တော်လေ့ အထွဋ်အထိပ်ဖြစ်တေ ။ မဇ္ဈိမဒေသ ၊ သြရိသ ၊ သီဟို ၊ မွန် ၊ ဗမာ ၊ ထိုင်း ၊ သျှမ်း ၊ ရခိုင်ရို့မာ သာသနာရေးအရ သမိုင်းနန့်ချီပြီးကေ ကောင်းကောင်းရင်းနှီးကတ်တေ နိုင်ငံများဖြစ်တေ ။
ရိုးရာနတ်ကိုးကွယ်မှုမာ ရှိဟောင်းခေတ်က ကျောက်တုံး ကျောက်တောင်ကြီးများကို ကိုးကွယ်ခြင်း ၊ တောစိုးသစ်ပင်ကြီးများကို ကိုးကွယ်ခြင်း ၊ ချောင်းမြောင်း ၊ မြစ်ကြီး ၊ မြစ်ငယ်များကို ကိုးကွယ်ခြင်းရို့က မြစ်ဖျား ခံလာစွာ ဖြစ်တေ ။ ရိုးရာ နတ်ကိုးကွယ်ရာမာ ရခိုင် ၊ မြို ၊ သက် ၊ ဒိုင်းနက် ၊ မရမာကြီး ၊ ချင်း စရေ တိုင်းရင်းသား အားလုံးရို့မာ ကောင်းကောင်း ဆင်တူမှုဟိရေ ။ ယေပြီးကေ ရခိုင်အာဇာနီများကို ပြည်ရှင် ၊ ပြည်ရှင်မ အဖြစ် တင်မြှောက်ကတ်တေ ။
ယင်းကြောင့် ရိုးမတောင်စွယ်အဆုံး မော်တင်စွန်း ၊ ရမ်းဗြဲ့တောင်ရိုးတောင်စွယ် အဆုံး ၊ တောင်နီ တောင်ရိုးတောင်စွယ်အဆုံး ၊ ကျန်းတောင်တန်းတောင်ရိုးတောင်စွယ် အဆုံး ၊ သြရမတောင်တန်း တောင်ရိုး တောင်စွယ်အဆုံး ၊ မယူတောင်တန်း တောင်ရိုးတောင်စွယ် အဆုံး ၊ ချောင်းဖျား မြစ်ဖျားအဆုံးရို့မာ နတ်ရုံ နတ်ကွန်း ၊ အကြီးအငယ် ဆောက်လုပ်ပြီး ပူဇော်ပသတုန်းဖြစ်တေ ။
နတ်ရုံ နတ်ကွန်းရို့နန့် နယ်ခြား ၊ နယ်နမိတ်မျဉ်းကြောင်းရို့ကို သတ်မှတ်ထားခစွာလေ့ ဟိရေ ။ ရခိုင်ရိုးရာ နတ်ကိုးကွယ်မှုမာ ပြည်ချစ်စိတ် မျိုးချစ်စိတ်ရို့ကို ဖော်ညွှန်း ဖွဲ့စည်းစွာရို့ကိုလေ့ တွိရရေ ။

၂ ။ ဘာသာစာပီဆိုင်ရာ ယိုင်ကျေးမှု
 ရခိုင်အက္ခရာမာ သီဟို၊ ဗမာ ၊ မွန် ၊ထိုင်း ၊ လော ၊ ကမ္ဘောဒီယား ၊ သျှမ်းအမျိုးသားရို့၏ အက္ခရာများပိုင် အန္ဒိယမြောက်ပိုင်း ဗြဟ္မီအက္ခရာက ဆင်းသက်လာရေ ။ ဝေသာလီခေတ် ( အေဒီ ၃၂၀ - ၉၅၇ ) အတိုးအတွင်းမာ ရက္ခဝဏ္ဏအက္ခရာ ဆန်းသစ်တိုးတက် ဖြစ်ထွန်းလာရေ ။
ရခိုင်စာပီလောကမာ (၁) စကားပြေ ၊ (၂) လင်္ကာစကားပြေ ၂ ထွေရော ၊ (၃) အရွေ့အဖွင့် လို့ ၃ မျိုး ၃ စားကွဲပြားစွာကို တွိ့ရရေ ။ ဓမ္မသတ် ၊ လျှောက်ထုံး ၊ ဖြတ်ထုံး ၊ နိပါတ်ပုံပြင် ၊ ရာဇဝင်မှတ်တမ်း ၊ မှတ်စု စရေစွာရို့ကို စကားပြေနန့် အရွီးများရေ ။ တစ်ခါတစ်ခါ လင်္ကာ စကားပြေ ၂ ထွေရောနန့် ဖွဲ့နွဲ့ရေ လင်္ကာ ၊ အရွေ့အမျိုးမျိုးပါဝင်ရေ ။
စာပီလောကကို ကဗျာကျမ်း ၊ သဒ္ဒါကျမ်း ၊ အဘိဓာန်ကျမ်း ရို့က ထိန်းရေ ။ ရခိုင်စာပီလောကကို ရခိုင် ကဗျာကျမ်း ၊ ရခိုင်သဒ္ဒါကျမ်း ၊ ရခိုင်အဘိဓာန်ကျမ်းရို့်က ထိန်းရေ ။ ရခိုင်စာပီလောကမာ သုတဗောဓဆန်းကျမ်း (ဝေသာလီခေတ် မြန်မာပြန် ) ကဗျာဆန်းကျမ်း ၊ ကဝိကန္ဓပါသဆန်းကျမ်း ( မြောက်ဦးခေတ် ) ပေါ်ပေါက် ခရေ ။ သဒ္ဒါကျမ်းများ အဘိဓာန်ကျမ်းများရို့လေ့ ပေါ်ပေါက်ခရေ ။ ယင်းနန့်ဇု ငါရို့တာဝန်တစ်ရပ်မာ ခေတ်မီအမျိုးသား စာပီတစ်ရပ်ကို ခိုင်ခိုင်နောင်းနောင်း ၊ ကျယ်ကျယ်ပြန့်ပြန့် ထူထောင်ရဖို့ပင်ဖြစ်တေ ။

၃ ။ အနုသုခုမဆိုင်ရာ ယိုင်ကျေးမှု
ရခိုင်သုခုမအနုပညာမှာ နက်နည်းသိမ်မွေ့ရေ ။ ဆန်းကြယ်ရေ ၊ သဘာဝအသံကိုလိုက်လို့ ဂီတတေး သွား အမျိုးမျိုးထွင်ပြီးကေ သီဆိုတီးမှုတ်ကတ်တေ ။ ဂုဏ် ရသမြောက်မှုကို အဓိကထားကတ်တေ ။ အရှိတိုင်း ဆန်ဆန်ပင် စည်းဝါးညီညွတ်မှု ( Harmony ) ထက် ဂုဏ်ရသမြောက်သာယာမှု ( Melody ) ကို ဦးစားပီး ကတ်တေ ။ စစ်နန့်ဆိုင်လာကေ စစ်သွီးစစ်မာန်မြောက်လာအောင် မြှောက်တီးရရေ ။ လူထုပွဲကြီး ကျလာလတ် ကေ သံချပ်ထိုးလို့ အိုးစည် ၊ ဗုံမောင်း တီးကတ်တေ ။ ရိုးရာနတ်ပွဲမာ ပတ်တီးရေ ။ ထိမ်းမြားမင်္ဂလာပွဲမာ ပန်းတျား တီးကတ်ရရေ ။
ရှင်ပြုပွဲသမက်တက်ပွဲမာ မင်္ဂလာစည်တီးရေ ။ ဘုရားတက် ကျောင်းတက်တေခါ ကောင်းမှု စည်ကိုတီးရေ ။ ကျင်ပွဲမာ ကျင်စည်ကိုတီးရရေ ။ မသာ ၊ အသုဘမာ ဒုံးစည်တီးရရေ ။
အငြိမ့်တီးဝိုင်းမျိုးမာ ပလီ အမျိုးမျိုး ၊ တူရိယာအမျိုးမျိုးရို့ကို အခြားတူရိယာရို့နန့် တွဲပြီးကေ ငြိမ့်ညောင်း သာယာစွာ ချိုတသိမ့်သိမ့် ချမ်းတငြိမ့်ငြိမ့် တီးမှုတ်ကတ်ရရေ ။ တီးပုံတီးဟန်နန့်ပက်သက်လို့ အကြမ်းတီး ၊အနုတီး၊ အနွဲ့အပျောင်းတီး ၊ အလွမ်းတီး ၊ အသောတီးလို့ ရသအရ ခွဲခြားတီးမှုတ်ကတ်ရရေပိုင် အကြမ်း ၊ အငြိမ့် ၊ အနု ၊ အနွဲ့ ၊ အပျောင်း ၊ အလွမ်း ၊ အသောလို့ ခွဲခြားသီဆိုကတ်ရရေ ။
ခွဲခြားကခုန်ကတ်ရရေ ။ ကဟန်မာ လက်ချောင်းအယူအငင် ၊ မျက်နှာအမူအရာရေ ကကောင်းအရီးကြီးရေ ။ ညာခြီညာလက် ၊ ဘယ်ခြီဘယ်လက်မာ ရခိုင်၏ အဓိက ကကွက်ဖြစ်တေ။ ယင်းရို့ရေ အက၏ သရုပ်ကိုဆောင်ရေ ။ အက၏ ဂုဏ်သရေကိုဆောင်ရေ။
ရခိုင်အမျိုးသားသုခုမ အနုပညာမာ ရာစုနှစ်များစွာကပင် ကိုယ့်မူကိုယ့်ဟန်နန့် ပြည့်ပြည့်ဝဝ ဆင်းသက် လာလို့ ကမ္ဘာ့အလယ်မာ ထည်ထည်ဝါဝါ တမူတဟန် တသီးတခြား ရပ်တည်လို့ ဟိနီရေ ။

၎ ။ ဆင်ယင်ထုံးဖွဲ့မှုဆိုင်ရာ ယဉ်ကျေးမှု
ရခိုင်အမျိုးသားဝတ်စုံမာ ခေတ်အလိုက် တိုးတက်ပြောင်းလဲမှုဟိရေ ။ အယင့်အယင်ခါက ယောက်ျား မိန်းမအားလုံး ဆံထုံး ထုံးကတ်တေ ၊ ပုတီး ၊ နားဒေါင်း ၊ လက်ကျပ် ၊ လက်ကောက် ၊ ခြီချင်းဝတ်ကတ်တေ။ အမျိုးသမီးရို့မာ ဆံထုံးကို အဆန်းတခြယ် အလှပထုံးလိဟိကတ်တေ ။ အမျိုးသားလူကြီးရို့မာ ခေါင်းပေါင်း ထီးထီး ပေါင်းလေ့ဟိကတ်တေ ။ အင်္ကျီထိုင်မသိမ်း ၊ ပုဆိုးဆောင်ရှေရို့ကို ခန့်ခန့်နားနား ဝတ်ဆင်ကတ်တေ။
အရွယ်ရောက်တေအမျိုးသမီးရို့မာ ရင်တင်ပါတ်လေထမိန်ကို ရှိစထားလို့ ဝတ်ကတ်ရရေ ။ အိမ်ထောင်သျှင်မ ရို့မာ ပတ်လေထမိန်ကို နောက်စထားလို့ဝတ်ဆင်ကတ်ရရေ ။ ခါးကြိုးဒွါရာမာ ရခိုင်အမျိုသမီးရို့၏ တင့်တယ်ရေ အဆင်တစ်ခုဖြစ်ပါတေ ။
ရခိုင်ရိုးရာဝတ်စုံကို အစုံအလိုက် ၊ အလွှာအလိုက် ၊ ပွဲလမ်းသဘင်အလိုက် ၊ တသီးတသန့်စီ သတ်မှတ် ထားပါရေ ။ အမျိုးသားဝတ်စုံရေ အမျိုးသား(Nation) တရပ်၏ အမျိုးသားကျက်သရေဆောင်ဖြစ်တေပိုင် ၊ အမျိုးသားဝတ်စုံလေ့ ရခိုင်အမျိုးသားဝတ်စုံ၏ အမျိုးသားကျက်သရေဆောင်ပင်ဖြစ်တေ ။

၅ ။ ဗိသုကာဆိုင်ရာ ယိုင်ကျေးမှု

အင်ဒိုအယ်ရိယန်ရို့၏ ယိုင်ကျေးမှုအငွိအသက်ကို ဝေသာလီခေတ် အဆောက်အဦးရို့မာ တွိရရေ ။ လေးမြို့ခေတ် ၊ မြောက်ဦးခေတ်ရို့မာကား ရခိုင်မူ ရခိုင်ဟန်ပါပါ ဗိသုကာပညာရပ် ထွန်းကားခရေ ။ အထူးသ ဖြင့် မြောက်ဦးခေတ် လက်ရာရို့မာ ကောင်းကောင်းပြောင်မြောက်ရေ ။ သျှစ်သောင်းသိမ်တော်ကြီး ၊ ကိုးသောင်း သိမ်ကြီး ၊ ထုတ်ကန်သိမ်ကြီး ၊ လေးမျက်နှာဘုရား ၊ မြောက်တန်ဆောင်း ၊ မြတန်ဆောင်း ၊ အံတော်သိမ် ၊ ရတနာပုံ ၊ လောင်ပွန်းပြောက်စေတီ ၊ ကူတောင်ဘုရား ၊ ကျောက်တစ်လုံးဘုရား ၊ ကူဝဘုရား ၊ မာန်ငါးပါး ဇာတီတော်များ၊ ဦးရာဇ်တောင်ဇာတီတော်များနှင့် ဗျာဒိတ်ဝင်ဇာတီတော်များ ၊ ယင်းအပြင် မဟာမုနိကုန်းတော် ၊ ဝေသာလီကျောက်လှီကား ၊ ပုရိမ်နန်းရာတော်၊ မြောက်ဦးနန်းရာကုန်းတော် ၊ သံတွဲနန်းရာကုန်းတော်ရို့မာ ရှိဟောင်းရခိုင်လက်ရာဗိသုကာပညာတိ ထွန်းပြောင်ချက်ကို ညွန်ပြလို့ ဟိနီကတ်တေ ။

 [ #စံကျော်ထွန်း ( မဟာဝိဇ္ဇာ ) ရွီးသားပြုစုရေ ‘ငါရို့ဇာလုပ်ကတ်ဖို့လဲ’ စာအုပ်မှ ထုတ်နှုတ်ဖော်ပြခြင်းဖြစ်ပါသည် ]

မြတ် ခွါ ညို Photo - Credit 

Date – 19.12.2016
Time : 17:00:18:00
D J   - Zin Myo
Ref:  ဘုရင် ကပ္ပီလဝပ်ပြည့်ရှင်