 |
| ဓါတ်ပုံ ရခိုင်အင်တာနက် |
Kyauk Phru Youth Net added 3 new photos.
ကျောရိုးထဲ ဝင်ရိုးစွန်းပုန်းနေတဲ့မြို့
မန္တလေးကို စာဖွဲ့တဲ့"ကစ်ပလင်း"မသိ
ပုဂံကို စာဖွဲ့တဲ့"ဇော်ဂျီ " စာမသီတဲ့ ငါ့မြို့လေ---။
မီးလောင်ပြင်ထဲက
မီးသွေးထက်ဝက်အိမ်တိုင်တွေလို
မိုးခေါင် ကပ်ဆိုက်တဲ့ခါ
မြေမှာဒူးထောက်၊ ကောင်းကင်ကိုတိုင်တည်တဲ့
ကမ္ဘာဦးလူသားတွေလိုမြို့ရိုးတံတိုင်းပျက်တွေနဲ့ ငါ့မြို့
သားမြတ်ပုံ တောင်မြေမို့မို့တွေအောက်မှာ
ရာဇဝင်နို့ရည်တွေ စမ်းဖြစ်နေတဲ့မြို့
ဆယ့်ရှစ်ရာစုတီကောင်တွေ
ကျောက်ရုပ်ကြွင်းဖြစ်နေတဲ့မြို့
ငါ့မြို့လေ ငါမြို့အစစ်ပါ ---။
ဓနိရည်ပေါတယ်၊ ခြင်ပေါတယ်
ဆင်းတုတော်အကျိုးအပဲ့တွေပေါတယ်
စေတီပျက်၊ ပုထိုးပျက်တွေပေါတယ်
ကြိုးကြာတွေ ပြုန်းလုပြီ
သဇင်ဥတွေ ရှားလွန်းပြီ
ဂျပန်စာလို အန်တီနာတွေပိုလာရဲ့
သူ့ခမျာ မီးခိုးတိုင်မရှိရှာဘူး----။
အမေလို
ငါ့နှလုံးသားကို ယဉ်ကျေးမြင့်မြတ်စေတာ
မြောက်ဦး ဒီမြို့----။
သစ္စာတရားလို
ဝိညာဉ်ကိုရဲရင့်ပျော်ရွှင်စေတာ
မြောက်ဦး ဒီမြို့----။
ခုတော့ ဦးနှောက်အမှေးရောင်နေတဲ့မြို့
ကိုယ်ခံအားတွေ လျော့ လျော့နေတဲ့မြို့
ချစ်ရလွန်းလို့ ကြွေကွဲနာကြင်ရပြီလေ--။
မြို့ရိုးတံတိုင်းတွေကို
ဆွဲဆွဲနုတ်ပြီး ပင်လယ်ထဲသိမ်းထားမယ်
ပြီးတော့ ကဗျာတွေနဲ့ လိုက်နေချင်ရဲ့
ရင်ကွဲရလွန်းလို့ပါ ငါ့မြို့ရယ် ---။
မောင်ခိုင်အောင်
၁၉၉၆ ခုနှစ်ထုတ်တဲ့ ရခိုင့်တန်ဆောင်မဂ္ဂဇင်း ( ၁၉ ) မှ။
0 comments:
Post a Comment