ပတ္တမြားဒေဝီ စောမဲကျီ-သူတော်ကောင်း သူမြတ်လောင်း ပေါ်ထွန်းလေ့ရှိတဲ့ မိမိတို့ ရမ္မာဝတီ။

 (ပတ္တမြားဒေဝီ ဇာတ်လမ်း ဗွီဒီယိုကို မကြည့်ရှုမီ အမှာစကား) ဗမာဘုရင်ဘိုးတော်ဘုရား(မောင်ဝိုင်း) မကျူးကျော်ခင်ကလ လွန်ခဲ့တဲ့ရာစုနှစ်အနည်းငယ်က မိမိတို့ရွာအနီးကန်ဒိုင်းနယ် (ရွာရင်းရွာ) ဆိုတဲ့ ရွာကလေး မှာ ပါရမီရှင်မိန်းကလေးတစ်ဦး မွေးဖွားခဲ့ပါတယ်။ ငယ်စဉ်ကပင်စိတ်နေစိတ်ထား၊ အကျင့်စာရိတ္တ အလွန်ကောင်းမွန်ပြီး ဘာသာရေးမှာ စိတ်ဝင်းစားလေ့ရှိတော့ လူကြီးများနှင့် ဘုန်းကြီးကျောင်းသို့သွားပြီး ဥပုသ်သီလဆောက်တည်လေ့ရှိတယ်။ အသား နည်းနည်းညိုတာမို့ စောမဲကြည်(ရခိုင်လို စောမဲကျီ) လို့ပဲခေါ်ကြတယ်။ တစ်နေ့မှာ သူငယ်ချင်း များနှင့် ရွာအနီးမှတောအုပ်ကလေးမှာ ထင်းခွေဖို့သွားရာမှ အပြန်ချောင်းကလေး တစ်ခုမှာ ရေချိုးကြပါသတဲ့။ တစ်ချို့မိန်းခလေးတွေက ယက်သဲ့ကလေးဖြင့် ငါးဖမ်းသလို ကစားကြတာကိုမြင်တော့ မစောမဲကြည်လည်း လိုက်လုပ်ပါတယ်။ သူ့မရဲ့ယက် သက်ထဲကို ကျောက်ခဲတစ်လုံး ခဏခဏဝင်လာလို့ အဲဒီကျောက်ကို အိမ်သို့ယူလာခဲ့တယ်။ ကျောက်ကလေးက ညအမှောင်ထဲမှာ ရောင်တစ်ဖိမ့်ဖိမ့် တောက်နေတော့ အံ့သြကြရတယ်။ အမှန်က ပါရမီရှင်တို့ဆီ ရောက်လာတတ်သော ပတ္တမြားမျက်ရှင် ဖြစ်နေလေတော့သည်။ တစ်ယောက်စကား တစ်ယောက်နားဆိုသလိုပါပဲ တစ်ဖြည်းဖြည်းနဲ့ ရခိုင်ဘုရင်ဆီ သတင်းရောက်သွားခဲ့တော့တယ်။ ဒါကြောင့် ရမ္မာဝတီမြို့စားမှ တဆင့်မြောက်ဦးမြို့ကို အရောက်ပို့ကာဆက်သစေတယ်။ နန်းတော် ရောက်တော့ ပတ္တမြားကျောက်ထည့်ယူလာတဲ့ သေတ္တာကလေးထဲမှာ ဘာမှ မတွေ့ရတော့ပါ။ ဒါကြောင့် ရခိုင်ဘုရင်ကိုယ်တိုင်ချီတက်လာပြီး ပတ္တမြား ကျောက်ကိုရော စောမဲကြည်ကိုပါ သိမ်းယူသွားခဲ့တယ်။ “ရတနာရှိရာ ရတနာလာတယ်”ဆိုတဲ့အတိုင်းပါပဲ။စောမဲကြည်မိဖုရားဖြစ်လာတော့ မြောက်ဦး နေပြည်တော်ကြီးဟာ ပိုပြီးစည်ကားလာခဲ့တယ်။ ရခိုင်ဘုရင်အိန္ဒိယကိုစစ်ချီ ရခိုင်ဘုရင်ဟာ စစ်ရေးစစ်ရာစွမ်းရည် ကြီးမားလာတော့ ယနေ့ ဘင်္ဂလားဒေ့ခ်ျဒေသနှင့် အိန္ဒိယ(မဇ္ဈိမဒေသ)အထိအောင်နိုင်ခဲ့ပါတယ်။တစ်နေ့မှာ စေတီပြိုတစ်ဆူမှ ရောင်ခြည်တော်များ ကွန့်မြူး၍ တူးဖေါ်ရာမှ ဗုဒ္ဓရှင်တော်မြတ်၏ ဓာတ်တော်၊ မွေတော်များစွာကို ရရှိလေသည်။ ၄င်းဓာတ်တော်၊ မွေတော်များကို မြောက်ဦးသို့ ပင့်ဆောင်လာခဲ့တယ်။ မြောက်ဦးရောက်တော့ မိဖုရားစောမဲကြည်ရဲ့ သီလ၊ အဓိဌာန်တွေနဲ့ ဘုရားပုံတော် ပန်းချီကားပေါ်မှာ ဓာတ်တော် မွေတော် တွေကိုဖြန့်ကြဲပူဇော်လိုက်တာနဲ့ ဗုဒ္ဓကိုယ်တော်ရဲ့ အင်္ဂါအစိပ်အပိုင်း အလိုက် ကိန်းဝပ်တော်မူကြလေ၏။ထိုဓာတ်တော်၊ မွေတော်များကိုရွှေအုပ်တွေနဲ့ သီးသန့်စီခွဲဝေပူဇော်ကာ ကမ္ဗည်းရေးထိုးကြတယ်။ တိုင်းပြည်အနှံ့မှာ စေတီတွေ တည်ထားကိုးကွယ်ကြဖို့ စီမံကိန်းပေါ်လာတဲ့အခါ မိဖုရားလေးကပဲ တာဝန်ယူ ကြီးကြပ်ရပါတယ်။ မိဖုရားက သူ့ရဲ့ငယ်ကျွမ်းဆွေ ပန်းရံဆရာကိုရွှေသီးကို စေတီတည်ထားရေးစီမံကိန်း၌ ဦးဆောင်ဦးရွက်လုပ်ဖို့ အစီအစဉ်များ ရေးဆွဲချပေး လိုက်ပါတယ်။ တိုင်းပြည်အနှံ့ အဓိကမြို့ရွာများမှာ မိဖုရားစောမဲကြည်၏ ကောင်းမှုတော်စေတီပုထိုး မြောက်များစွာ တည်ထားခဲ့ကြပါတယ်။ မြောက်ဘက် အဆုံး မြောက်ဦးနေပြည်တော်မှသည် တောင်ဘက်အဆုံး သံတွဲခရိုင်ထိပါပဲ။ ထိုဘုရားများဟာ ယနေ့တိုင်တည်ရှိဆဲပါပဲ။ သူ့ရဲ့ဇာတိရွာက စေတီကို နားမွေး တော်စေတီ၊ မိမိတို့ရွာကစေတီိကိုညှပ်ရိုးတော်စေတီ၊ ကန်းချုပ်ပြင်ရွာ အနီးကစေတီကိုတော့ ကန်ကောက်တော်စေတီစသည့် အမည်များဖြင့် တည်ရှိ ဆဲပါ။ ထိုဘုရားသမိုင်းများကို သီသန့်စာအုပ်များ ထုတ်ဝေထားပါသည်။ သူမရဲ့ဇာတိရွာက နားမွေးတော်ဘုရားပွဲကို နှစ်စဉ်နှစ်ဆန်းတစ်ရက်နေ့မှာ ခြိမ့်ခြိမ့်သဲသဲကျင်းပတုန်းပါပဲ။ သင်္ကြန်အတက်နေ့ ညနေပိုင်းကပင် ရပ်ဝေးရပ်နီးမှ ဘုရားဖူးဧည့်သည်များ စုရုံးရောက်ရှိလာတတ်ကြပါတယ်။ နေ့ခင်းပိုင်းမှာ ရိုးရာ ကျင်ပွဲ၊ ဘောလုံးပွဲများဖြင့် ဧည့်ခံလေ့ရှိကြပါတယ်။ ညနေပိုင်းမှာတော့ ဇာတ်ပွဲ များ၊ ဗွီဒီယိုပြပွဲများဖြင့် ဧည့်ခံကြပါတယ်။ မိဖုရားစောမဲကြည်ဦးဆောင်တဲ့ စေတီပုထိုးတည်ထားရေးစီမံကိန်းဟာ နှစ်အတော်ကြာပြီးမှပြီးစီးဖို့အချိန်နီးကပ်လာခဲ့ရာမြောက်ဦးမြို့အနီးမှာဓာတ်ပေါင်းစု စေတီတည်ထားရန်စီမံကိန်းအတွက်ညှိနှိုင်းတိုင်ပင်နေတုန်းကာလပန်းရံဆရာ ကိုရွှေသီး ဟာမိဖုရားဆီအဝင်အထွက်များလာတော့မနာလိုမရှုစိမ့်တဲ့ သူတစ်ချို့က
ဘုရင်ဆီကိုဂုံးတိုက်လျှောက်ထားကြတယ်။တိုက်ဆိုင်တာလား၊ လုပ်ကြံတာလား တော့မသိစေတီရဲ့ပုံတော်ကအမျိုးသမီးရဲ့ရင်သားနဲ့တူနေလို့ဆိုပြီးပန်းရံ ဆရာကြီး ကိုဘုရင့်အမျက်တော်ထွက်ကာကွပ်မျက်လိုက်ပါတယ်။ ကိုရွှေသီး ကွပ်မျက်ခံရပြီး နောက်မိဖုရားကိုလည်းမူးမတ်များက ဘုရင်ကြီးကိုစည်းရုံးကာ မိဖုရားအကျင့်စာရိတ္တမကောင်းဟူ၍ ဂုံးချောလျှောက်ထား ကြပြန်သည်။ ထိုစွပ်စွဲချက်ဖြင့်ပင် မိဖုရားကိုကွပ်မျက်ရန် အမိန့်တော် ထွက်လာ ပြန်သည်။ မိဖုရားသည် တုန်လှုပ်ခြောက်ခြားမှု အလျဉ်းမရှိဘဲ ရဲဝံ့စွာရင်ဆိုင်ဖို့ ပြင်ဆင်ပါ တော့သည်။ မိဖုရားကသူ့ဇာတိကန်ဒိုင်းရွာသို့ အရောက်ပို့ပေးပြီးမှ ကွပ်မျက်ရန် တောင်းပန်ရှာတယ်။ ထို့နောက်မိဖုရားစောမဲကြည်ကို ကုန်းတစ်တန်၊ ရေတစ်တန်ဖြင့် မင်းခစားယောက်ျားများက ဝေါယာဉ်ဖြင့် သယ်ယူလာခဲ့ကြသည်။ မိဖုရားရွာကိုရောက်တဲ့အခါ ပထမဆုံးသွားရောက်ဖူးမျှော်တာက မိဖုရားကြီး မြတ်နိုးကြည်ညိုတဲ့ နားမွေးတော်ဘုရားပါပဲ။ အဲ့ဒီအနီးမှာ ဆုတောင်းအဓိဋ္ဌာန်ပြုပြီး အားငယ်တွန့်ဆုတ်ခြင်း၊ စိုးရိမ်ခြင်းအလျဉ်းမတွေ့ကြရဘဲ ရာဇဝတ်သားများကို ကြိုက်သလို စီမံကြဖို့ခွင့်ပြုလိုက်တော့တယ်။ အဲ့ဒီဘုရားမှတစ်ဆင့် မိဖုရားကြီး၏ ပတ္တမြားရရှိရာ ရေချိုးဆိပ်အနီး ကမ်းစပ်နားမှာပဲ မိဖုရားဟာ ဝါးညှပ်ဖြင့် လည်ပင်းကိုညှပ်ကာ အသတ်ခံခဲ့ရပါတယ်။ မိဖုရားကြီးအလောင်းကို ဝါးဖေါင်ဖြင့် ရေမျှောကြသောအခါ မိဖုရားကြီးသစ္စာဆိုအဓိဋ္ဌာန်ပြုခဲ့တဲ့အတိုင်း မိဖုရားကြီးရဲ့ အလောင်းဟာ ရေဆန်တက်၍ သူမ၏မြင့်မြတ်စင်ကြယ်မှုကို သက်သေပြခဲ့တယ်။ အလောင်းကိုရေထဲကဆယ်ယူပြီး အဲ့ဒီကမ်းစပ်အနီးမှာ ဂူသွင်းသင်္ဂြိုဟ်ခဲ့ကြတယ်။ ဒီဂူလေးကိုယနေ့တိုင် တွေ့မြင်နိုင်ပါတယ်။ ဝေါယာဉ်ခေါ်(ထန်းစင်)ကိုတော့ မိမိတို့ရွာအနီး မိဖုရားရဲ့ဇာတိချက်ကြွေ မွေးရပ်မြေ ကန်ဒိုင်းအတွင်းပြင်ရွာ ဘုန်းကြီးကျောင်းဟောင်းမှာ ယနေ့တိုင်အောင် သိမ်းထားကြပါတယ်။ မိဖုရား ငယ်စဉ်အပျိုပေါက်စအရွယ်က သုံးခဲ့သော ရေခပ်တဲ့ ရေအိုးကလေးတွေ၊ အလှူအတန်းမှာ အသုံးပြုတဲ့ အဆင်တန်ဆာတွေကိုတော့ မိဖရားရဲ့ ဆွေမျိုးများက ထိန်းသိမ်းထားကြပါတယ်။ နောင်တစ်ချိန် နန်းသူ၊နန်းသားတွေ လာရောက်ပြီး အမှတ်တရစေတီတစ်ဆူကို တည်ထားကာ စောမဲကြည်မိဖုရားအတွက် ကောင်းမှု ပြုခဲ့ကြပါတယ်။