ရခိုင်ပြည်နယ် သမိုင်းနှင့်အနေအထား

 ရခိုင်လူမျိုးတို့ အစဉ်တစ်စိုက် နေထိုင်သော ရခိုင်ပြည်နယ် သည် မြန်မာနိုင်ငံ၏ အနောက်ပိုင်းတွင် တည်ရှိတည်ရှိပြီး၊ ရှေးအခါက ရခိုင်ဘုရင်များ အုပ်စိုးရာ တိုင်းပြည်နိုင်ငံ ဖြစ်ခဲ့၏။ အေဒီ ၁၅ ရာစုမှ ၁၇ ရာစုအတွင်း ရှေးရခိုင်ဘုရင်များသည် ဘင်္ဂလားဒေ့ရ်ှနိုင်ငံ စစ်တကောင်းဒေသနှင့် အိန္ဒိယနိုင်ငံ တြိပူရဒေသတို့ကို လက်အောက်ခံ အဖြစ် သိမ်းသွင်းနိုင်ခဲ့သည်။ ရခိုင်ဘုရင်များ တန်ခိုး အထွတ်အထိပ်သို့ ရောက်ရှိစဉ် ရခိုင် ဘုရင့်နိုင်ငံ၏ အကျယ်အ၀န်းသည် ယခု ဘင်္ဂလားဒေ့ရ်ှနိုင်ငံ၊ ဒါကာမြို့တော်မှ မော်လမြိုင် ပင်လယ် ကမ်းရိုးတန်း တစ်လျှောက် ကျယ်ပြန့်ခဲ့သည်။ ရခိုင်လူမျိုးတို့၏ မူရင်း ရခိုင်ပြည် သည် ဘင်္ဂလားနယ်စပ် နတ်မြစ်ဝမှ မော်တင်စွန်း (ယခု ဧရာဝတီတိုင်းနယ်မြေ) အထိ ရှည်လျားသော ရခိုင်ကမ်းရိုးတန်းဒေသ ဖြစ်သည်။

တည်နေရာနှင့် အကျယ်အဝန်း လက်ရှိ ရခိုင်ပြည်နယ်‌သည် ၁၄၂၀၀ စတုရန်းမိုင်ကျယ်ဝန်းသည်။ ရခိုင်ရိုးမတောင်တန်းနှင့် ဘင်္ဂလားပင်လယ်အော်အကြား ကမ်းမြှောင်ဒေသတွင်တည်ရှိသည်။ မြန်မာပြည်မနှင့် လမ်းပန်းဆက်သွယ်ရေး အားဖြင့်၊ ကုန်းလမ်း၊ လေကြောင်းလမ်းနှင့် ရေလမ်းတို့ဖြင့် ဆက်သွယ်ထားသည်။ ရှေး ရခိုင်လူမျိုးတို့၏ ယာဉ်ကျေးမှု အမွေအနှစ်များ ပေါများသောဒေသလည်းဖြစ်သည်။ မြန်မာနိုင်ငံ၏ အနောက်ပိုင်းတွင်တည်ရှိတည်ရှိပြီး ဧရာဝတီတိုင်း၊ ပဲခူးတိုင်း၊ မကွေးတိုင်း၊ ချင်းပြည်နယ်၊ ဘင်္ဂလားဒေ့ရ်ှနိုင်ငံနှင့် ဘင်္ဂလားပင်လယ်အော်တို့ဖြင့် ဝန်းရံထားသည်။ ရခိုင်ပြည်နယ်အလံ ရခိုင်ပြည်နယ်အောင်လံကို ရှေးခေတ်ကဘင် အသုံးပြုခဲ့သော အောင်လံ၏ အခြေခံအမှတ်အသားကို မူတည်ခဲ့ကြပါသည်၊၊ အောင်လံအတိုင်းအတာမှာ ခေတ်အဆက်ဆက်က အသုံးပြုခဲ့သော အောင်လံ၊ ကောင်းမွန်ရေးအတွက်နှင့် အခုခေတ်ကိုက်ညီအောင် အသုံးပြုနိုင်ဖို့ အတွက် မူလအတိုင်းအတာကိုမှီပြီး အချိုးအစားအလိုက် ပြုပြင်ခဲ့ကြသည်။ မူလအတိုင်းအတာ အချိုးအစားမှာ အလျားကိုးတောင် အနံခြောက်တောင် ဖြစ်ပါသည်။ အောင်လံ၏ အရောင်အဆင်းကို မူလရောင်စုံအတိုင်း အတည်ပြုခဲ့ကြပါသည်။ မူလရောင်စဉ် အဆင်းမှာ ဖြူရောင်ထက်ဝက်နှင့် အနီရောင်ထက်ဝက်ဖြစ်သည်။ အပေါ်ပိုင်းထက်ဝက်မှာ အဖြူရောင်ဖြစ်ပြီး အောက်ပိုင်းထက်ဝက်မှာ အနီရောင်ဖြစ်ပါသည်။ အဓိပ္ပါယ်ဖွင့်ဆိုချက်မှာ အပေါ်ပိုင်းအဖြူရောင်သည် ရခိုင်အမျိုးသားတို့ ၏ ဖြူစင်ရေးစိတ်ဓါတ်ရှိခြင်း ၊ အမျိုးသီလနှစ်ဌာနကို စောင့်ထိန်းခြင်း ၊ ဖြူစင်ဖြောင့်မတ်ရေး စိတ်ရှိခြင်းနဲ့့ဖြူစင်တည်ကြည်စောင့်ထိန်းအပ်ရေး ကိုယ်ကျင့်တရားရှိခြင်းများ ဖြစ်သည်။ အနီရောင်၏ သဘောမှာ ရဲရင့်တည်ကြည်ရေး သတ္တိနှင့် ခိုင်ခံ့တည်ကြည်ရေး ဇာတိသွေး ၊ ဇာတိမာန် ရှိခြင်းများကို ဖော်ဆောင်ပါသည်။ ရခိုင်ပြည်နယ်တံဆိပ်   ရခိုင်လူမျိုးများ သုံးစွဲခဲ့သော ဝေသာလီခေတ် ရခိုင်ဒင်္ဂါး၏ ပန်းဖက်ပုံကိုို အခြေခံဖော်ပြထားသည်။ ဝေသာလီခေတ် ရခိုင်းဒင်္ဂါးကို သတ်မှတ်ဖော်ပြရခြင်းမှာ ရခိုင်လူမျိုးများ၏ ပေါ်လွင်ထင်ရှားရေး၊ အနုပညာဓနဥစ္စာကြွယ်ဝခြင်း နှင့် ရှေးပဝေသဏီကပင် ယဉ်ကျေးမှုထွန်းကားခဲ့ခြင်းကို ရည်ညွှန်းဖော်ထုတ်လို၍ ဖြစ်သည်။ ထိုဝေသာလီခေတ် ဒင်္ဂါးက်ို သဇင်ပန်းခွေ နှစ်ခက်ဖြင့် ခြံရံထားပါသည်။ (က)သဇင်ပန်း ခွေနှစ်ခက် ရခိုင်ပြည်နယ်တွင် သဇင်ပန်းရေ ပြည်နယ်၏ အဓိက မြင့်မြတ်ဖြူစင်သော ပန်းမျိုးဖြစ် ပါသည်။ ထိုပန်းကို အမှီပြု၍ အမြင့်အမြတ်စကားလုံး တိုကိုသုံးစွဲရာမှာ သဇင်ပန်းကို ဥပမာပြုပြီး တင်စားသုံးစွဲခဲ့ကြပါသည်။ သဇင်ပန်းကို ရခိုင်တို့က (သန့် စင်)ပန်းဟု ခေါ်ကြပါသည်။ သန့်ရှင်းမှု၊ ဖြူစင်မှု။ သန့်ရှင်းဖြူစင် ယုံတင်မက ပွင့်ဖတ်အလယ်မှာ ဝါဝင်းပြီးတော့ ရွှေရောင်ရှိသော ဝတ်ဆံနှစ်ဆံလည်း ပါရှိသည် ။ မွှေးကြိုင်ပြီး မြင့်မြတ်သော သစ်ပင်ကြီးများ၏ အပေါ်၌သာ ပေါက်ရောက်တတ်သည်။ ဖြူစင်သော သီလရောင် ဝါဝင်းသော ဝတ်ဆံအရောင်များသည် ဗုဒ္ဒ၏ သင်္ကန်းရောင်ကို ဆောင်သည်။ ထို့ကြောင့် အမြတ်ဆုံးပန်းဟု တင်စားသမုတ်ခဲ့ကြပါသည်။ ယင်းကိုို အစွဲပြု၍ ဘုရားပေါင်းချုပ်၏ သင်္ကေတ အခေါ်အဝေါ် ကဗျာတွင် (သဇင်ပန်းခိုင် တမြိုင်မြိုင် ၊ ရခိုင်ဘုရားပေါင်း) ဟူ၍ ဖွဲ့ဆိုခဲ့ကြသည်။ သဇင်ပန်းတစ်ခက်၏ တစ်ဘက်စီတွင် ပါရှိသော (၈)ပွင်နဲ့ ထိပ်ပေါ်ကတစ်ပွင့် ပေါင်းလျှင် (၉)ပွင့်ဖြစ်သည်။ ကျန်တဘက်တွင်လည်း (၈)ပွင့်နှင့် ထိပ်ပေါ်က တစ်ပွင့်ပေါင်းလျှင် (၉)ပွင့်ဖြစ်သည်။ ထိပ်ပေါ်၌ ရှိသော အပွင့်သည် နှစ်ဘက်လုံးနှင့် ဆိုင်သည်။ ဘေးဥပါဒ်အန္တရာယ် ကင်းရှင်းစေရန် ကိုးနဝင်းကြေသော လက္ခဏာကိုဖော်ပြထားပါသည်။ ဖော်ပြပါ သဇင်ပန်းခက် တစ်ခက်စီမှာ အပွင့်ငယ် လက်ဝဲမှ ( ၈ ) လင်္ကျာမှ ( ၈ ) ပွင့်ဆံရိုးတံကို မှီ၍ ရှိနေကြပါသည်။ ထိပ်ပေါ်မှ တစ်ပွင့်နှင့် ပေါင်းလိုက်လျှင် (၁၇)ပွင့်ဖြစ်၍ ရခိုင်ပြည်နယ် (၁၇) မြို့နယ်ကို ဖော်ဆောင်နေပါသည်။ (ခ)ဗိန္ဒုပြောက်များ ဝေသာလီဒင်္ဂါး၏ အပြင်ဘက်စက်ဝိုင်းတွင် ဖော်ပြထားသော ဗိန္ဒုပြောက်များမှာ ကနက္ကဒါန်ထီးဝိုင်း၏ ပုံသဏ္ဍာန်ဖြစ်သည်။ ဝေသာလီဒင်္ဂါးများတွင် ပါရှိသော ဗိန္ဒုများမှာ အရေအတွက်အားဖြင့် လုံးရေ(၂၀) ပါရှိသည့် ဒင်္ဂါးအမျိုးအစားရှိသကဲ့သို့  လုံးရေ(၂၀) ပိုမိုပါရှိသော ဒင်္ဂါးများလည်း ရှိကြောင်းတွေ့ ရှိရသည်။ သို့သော်လည်း အခုသတ်မှတ်ထားသော ရခိုင်ပြည်နယ်တံဆိပ်ပါ ဗိန္ဒုပြောက်များ၏ အရေအတွက် လုံးရေ(၂၀)ဟု သတ်မှတ်ထားပါသည်။ ထိုသို့ သတ်မှတ်ရခြင်းမှာ တံဆိပ်အလှအပနှင့် ရှေးရခိုင်မင်းများ၏ အဓိက ကျင့်ဝတ်များဖြစ်သော မင်းကျင့်တရား ဆယ်ပါး ၊ နာယက ဂုဏ်ခြောက်ပါး ၊ သင်္ဂဟ တရား လေးပါး များကို ပေါ်လွင်စေရန် ရည်ညွှန်းထားခြင်းဖြစ်ပါသည်။ (ဂ)သီရိဝစ္ဆ သီရိဝစ္ဆမှာ သဇင်ပန်းခွေ အလယ်တွင် ရှိပါသည်။ ၎င်းသည် ဝေသာလီ စန္ဒြားမင်းတို့၏ ဒင်္ဂါးတွင် ခတ်နှိပ်သုံးစွဲခဲ့သော ပုံဖြစ်သည်။ ဤတံဆိပ်ကို ဒင်္ဂါးတွင်သာ မက ရာဇပလ္လင်၊ မုတ်တံကဲများ ၊ ဘုရားတန်ဆောင်း မုတ်တန်ကဲများ၊ တံခါး မုတ်စီများတွင် အမြဲသုံးစွဲခဲ့ကြသည်။ သီရိဝစ္ဆမှာ ကျက်သရေမင်္ဂလာအဖြာဖြာနှင့် ပြည့်စုံသည်ဟု အဓိပ္ပါယ်ရသည်။ သင်္ကတ အများကြီးပါရှိသေးသည် ဟု သိရှိရ၏။ (ဃ)နေနှင့် လ နေနဲ့ လ တို့ မှာ ပထမဆုံး ရခိုင်ဆိုတဲ့ အမည်ကိုို ခံယူခြင်းမှ စ၍အုပ်ချုပ် ခဲ့ကြသောမင်းတို့သည် နေလ အမည်ရှိရေ ဘွဲ့ ထူး ဂုဏ်ထူး အမည်တွေကို ခံယူခဲ့ကြပါတယ် ။ သူရိယမင်းဆက် ၊ စန္ဒြားမင်းဆက် ဟူ၍ အုပ်ချုပ် ခဲ့ ပါတယ်။ နေနှင့်လ တို့သည် ကမ္ဘာ၏တန်ဆာများ ဖြစ်ကြသည့်အလျောက် အအေး နဲ့ အပူ ၊ အလင်း နဲ အမှောင် ၊ အကျိုး နဲ့  အပြစ် တွေကိုို ထင်ရှားစေနိုင်ရေ သတ္တိရှိကြပါတယ် ။ နေမင်း နဲ့ တူသောအကျင့် ၊ လမင်း နဲ့ တူသောအကျင့်တွေရှိကြပါတယ် ။ ယင်းနည်းတူ မင်းနှင့်တကွ ပြည်သူများလည်း သစ္စာတရား တည်ကြရမည် ။ ယဉ်ကျေးမှုအနုပညာ ၊စီးပွါးရေး အခြေအနေနဲ့ အမျိုးသားများ လက္ခဏာကို ဖော်ညွှန်းထားပါတယ် ။ နေသည် ကမ္ဘာမြေပြင်ပေါ်ရှိလူသတ္တဝါတွေကိုအလင်းရောင် ပေးသည် ။ လ သည်အေးမြကြည်လင်ရေ သာယာမှုတွေကိုဒေသဌာနမရွေး ၊ ပုဂ္ဂိုလ်မရွေး မျှတသော အလင်းရောင် တွေကိုပေးတတ်ပါသည် ။ လူသား သတ္တဝါ တွေအပေါ်မှာ အေးမြကြည်လင်သော သစ္စာတရား ရှိတာကိုဖော်ညွှန်းထားခြင်း ဖြစ်သည်။ (င) လက်ဝဲရစ်ခရုသင်းနှင့် လက်ယာရစ်ခရုသင်း တိုင်းပြည်ဂို အုပ်ချုပ်သော ဘုရင် တွေဘိသတ်ခံရာ၌ လက်ဝဲ နန့် လက်ယာ ခရုသင်း တို့ဖြင့် သစ္စာရေစင် ဖြန်းရပါသည် ။ ရေစင်ဖြန်းရာတွင် တိုင်းသူပြည်သား အပေါင်းတို့ အား သစ္စာ ၊ သီလ ၊ သမာဓိ တရား နဲ့ တရားသဖြင့် အုပ်ချုပ်အုပ်ထိန်းနိုင်ပါစေ ။ တိုင်းသူပြည်သား တိကလည်း သစ္စာ ၊ သီလ ၊ ဓမ္မ ရှိကြပါစေဟူသော သရုပ်ကိုဖော်ဆောင်ပါသည်။ (စ)စိန်တောင် စိန်တောင်သည် အလယ်ဗဟိုတည့်တည့်တွင် မဏ္ဍိုင်အဖြစ် မားမားမတ်မတ် ဖြောင့်တန်းစွာ ရပ်တည်ထားပါသည် ။ ဖော်ပြခဲ့သောသစ္စာ ၊ ဓမ္မတရား တို့သည် မင်းနှင့်တကွ ပြည် သူတို့ိအားတည့်တည့်မတ်မတ် အုပ်ချုပ်ခြင်း ၊ ခံယူလိုက်နာခြင်း လက္ခဏာကို ဖော်ပြထားပါသည်။ (ဆ)စိန်တောင်အောက်ခံ စိန်တောင်အောက်ခံမှာ လခြမ်းသဏ္ဍာန် ဖြစ်ပြီး စိန်တောင်အား မတိမ်းမစောင်းဖြောင့်မတ်တည်ရှိ နိုင်ရန် မယိမ်းမယိုင်စေခြင်းငှာ အောက်ခံပြုလုပ်ထားခြင်း သဘောကို သရုပ်ဆောင်ပါသည်။ (ဇ) ရွေးလုံး (၇)လုံး (ဗန္ဒု) ရခိုင်တ်ို့သည် ကြတ္တိကာ နက္ခတ်နှင့် ယှဉ်သည့် လူမျိုးများ ဖြစ်ကြသည်။ ကြတ္တိကာ နက္ခတ်သည် စပါးပင် ၊ မြီများ၏ လက္ခဏာကိုဆောင်သည် ( တချို့ကျမ်း၌ ကြယ်ခုနစ်ကောင် ဟုဆိုသည်။) ကြတ္တိကာ နက္ခတကိုို မှီး၍ ထွန်ယက်ခြင်း ၊ စိုက်ပျိုးခြင်း ၊ ရိတ်သိမ်းခြင်း တွေကိုပြုလုပ်ကြသည်။ ရခိုင်ပြည်နယ်သည် ကြတ္တိကာ နက္ခတ် နှင့်လျော်ညီစွာ စပါး စိုက်ပျိုးရေးကို အဓိကပြု၍ သက်မွေးဝမ်းကျောင်းဆောင်ရွက်ရသော ပြည်နယ်တစ်ခုဖြစ်သည်။ ထို့ကြောင့် ရခိုင်ပြည်နယ်၏ အသက်သွေးကြော ဖြစ်သော စီးပွားရေးနှင့် စိုက်ပျိုးရေးလက္ခဏာ သဘောဆောင်ထားခြင်း ဖြစ်သည်။ (ဈ)ခြူပန်း ခြူပန်းသည် အမြင့်မြတ်ဆုံးသော ပန်းတစ်မျိုးတွင် ပါဝင်သည် ။ ခြူပန်းမှာ အပင်မှ ပွင့်သော ပန်းမဟုတ်ပေ ခြူကောင် ဟူသော သတ္တဝါတမျိုး၏ ခန္ဓာကိုယ်မှ ပေါက်ရောက်နိုင်သော အမေွးှအမျှင်တို့၏ ပုံသဏ္ဍန်တွင် အခွေခွေ လိပ်လိပ် ဖြစ်ဖော်နေခြင်းကို သရုပ်ဖော်၍ ပန်းချီ ပန်းပု ဆရာ တို့သည် ဘုရား ၊ စေတီ ၊ အဆောက်အဦး ၊ ပလ္လင် ၊ မုတ်တံကဲများ ၊ ထီးဆောင် နန်းဆောင် စသော အဆောက်အဦးတို့တွင် အပြောက်အပြိန်းများ ၊ ပန်းခက် ၊ ပန်းခွေ ၊ ပန်းလိပ် ၊ ပန်းနွယ်များ ထုလုပ်ရာတွင် သရုပ်ဖော်၍ ထုလုပ်ခဲ့ကြပါသည် ။ ပန်းခက်တို့၏ အလယ်တွင်ခြူကောင်များ ထုလုပ်ထားခြင်းကြောင်း ခြူပန်းဟူ၍ ခေါ်ပါသည် ။ ခြူကောင်တို့သည် လူအပေါင်းတို့ ၏ ပစ္စည်းဥစ္စာကို လည်းကောင်း ၊ အသီးအနှံ တွေကို လည်းကောင်း လုံးဝဖျက်ဆီးခြင်း မရှိပါ ။ သူတို့၏ သွားရာတွင် အမွှေးအမျှင်များ တစ်ခုနှင့်တစ်ခုထိခိုက်၍ ဆွဲလွဲမြည်သံကဲ့သို့ တခြွင်ခြွင်မြည်ပါတယ် ယင်းကြောင်း ဆွဲလွဲငယ်များဂို ခြူးငယ်ဟု ခေါ်ပါတယ် ။ မင်္ဂလာ ရှိသော ၊ တီးသံသာသော အသံတွေကိုသရုပ်ဆောင်ထားပါတယ် ။ ၎င်းတို့သည် ကာမ ဆန္ဒ တရား၌ တသက်လျှင် တကြိမ်သာ မှီဝဲခြင်း ရှိပါတယ် ။ သူတပါး အမျိုးအနွယ်ကိုိုလည်း ဖျက်ဆီးခြင်း မရှိပါ ။ အဗြဟ္မ စရိယာ သိက္ခာ ပုဒ်ဂို စောင့်ထိန်းခြင်း ၊ တိုင်းသူပြည်သား တို့သည်လည်း မုဒိန်း တန္တ မကျူးလွန်ကြ စေရန်သရုပ်ဆောင်ထားခြင်း ဖြစ်ပါတယ်။ ဤသီရိဝစ္ဆ တစ်ခုလုံး၏ သဘောတရားမှာ သစ္စာ ဓမ္မ ရှိခြင်း ၊ လယ်ယာစိုက်ပျိုးရေး၌ စပါးသီးနှံတိုး ပွါးများစေခြင်း၊ အလင်းနှင့် အမှောင် ၊ အကျိုးနှင့် အပြစ် တရားတွေက်ုဆင်ခြင်နိုင်စေခြင်း ၊ မိမိတို့၏ ရိုးရာ ဓလေ့ထုံးစံ တွေကိုစောင့်ထိန်းနိုင်ခြင်း ၊ ခေတ်နှင့်လျော်ညီအောင် တစည်းတလုံးတည်း တည်မြဲနိုင်စေခြင်း ၊ ထွန်းသစ် ပေါများတိုးတက် စေနိုင်တဲ့ သင်္ကေတ သဘောတွေကိုသရုပ်ဖော်ဆောင် ထားခြင်းဖြစ်သည်။ ရာသီဥတု ပင်လယ် ကမ်းခြေ ဒေသ ဖြစ်၍ သမ မျှတသော ရာသီဥတု ရှိသည်။ မိုးရာသီတွင် မိုးများပြီး တစ်နှစ်လျှင် မိုးရေချိန် လက်မ ၂၀၀ ကျော် ရွာသွန်းသည်။ မြို့တော် ရခိုင်ပြည်နယ်၏ မြို့တော်မှာ စစ်တွေဖြစ်သည်။ ခရိုင်ရုံးစိုက်ရာမြို့များ စစ်တွေမြို့ ကျောက်ဖြူမြို့ သံတွဲမြို့ မောင်တောမြို့ ရခိုင်ပြည်နယ်မြေပုံ အခြား မြို့ရွာများ အလယ်သံကျော် အမ်းမြို့ ဒလက် ဂွမြို့ ကင်းမော် ကျောက်ကြီးမြို့ ကျောက်နီမော် ကျောက်တော်မြို့ ကျီန္တလီ လမူ လုံးသာ မဟာမုနိ မင်းပြားမြို့ မြောက်ဦးမြို့ မာန်အောင်မြို့ မြောင်းဘွေ မြေပုံမြို့ ငပလီ ပေါက်တောမြို့ ပုဏ္ဏားကျွန်းမြို့ ဘူးသီးတောင်မြို့ ရမ်းဗြဲမြို့ ရသေ့တောင်မြို့ ဆားပြင် စခမ်းမော် စနဲ ဆတ်သွား ဆင်ခုံတိုင် တောင်ပြို သပြုချိုင် တောင်ကုတ်မြို့ ဇင်ချောင်း စိတ်ဝင်စားဖွယ်နေရာများ ရခိုင် မင်းနေပြည်တော်ဟောင်း မြောက်ဦးမြို့ ငပလီကမ်းခြေ အပန်းဖြေစခန်း ကမ်းသာယာကမ်းခြေ အပန်းဖြေစခန်း Sittwe Seaside Resort စာပေ ရခိုင် စာပေသည် ဓည၀တီခေတ် (အေဒီ တစ်ရာစု) ခန့်ကပင် စတင် ထွန်းကားခဲ့ကြောင်း၊ အထောက်အထားတွေ့ရသည်။ ဓည၀တီ မြို့ဟောင်းအနီးမှ တောင်ပေါက်ကြီးကျောက်စာတွင် အသောကခေတ်က အသုံးပြုခဲ့သော ဗြဟ္မီအရေးအသားဖြင့် ရေးထိုးထားသည်ကိုတွေ့ရသည်။ ထို့ပြင် ဗြဟ္မီအက္ခရာ အရေးသား စာတန်းပါ ဗိုက်ပူဘုရား ကျောက်စာသည်လည်း ဓည၀တီခေတ် ရခိုင်စာပေ ထွန်းကားမှု၏ သက်သေ ပင် ဖြစ်ပါသည်။ ဝေသာလီခေတ် (အေဒီ လေးရာစုမှ ဆယ်ရာစု) တွင် ရခိုင်စာပေ ထွန်းကားမှုသည် ကျယ်ပြန့်ခဲ့ပါသည်။ အေဒီ ခြောက်ရာစု ဂုပ္ပတ အက္ခရာ ဖြင့် ရေးထိုးထားသော ယေဓမ္မာ ရခိုင်ကျောက်စာများစွာကို ဤခေတ်တွင် တွေ့ရသည်။ ဝေသာလီခေတ်၏ အထင်ရှားဆုံး ကျောက်စာမှာ အေဒီ ၇၂၉ တွင် ရေးထိုးသော အာနန္ဒစန္ဒြမင်း ကျောက်စာဖြစ်သည်။ ထိုကျောက်စာတွင် ရခိုင် မင်းဆက်များကို ဂါထာ ၆၅ ဂါထာဖြင့် ရေးထိုးထားသည်။ ထိုသို့ မင်းစဉ်မင်းဆက်များကို အစအဆုံးမှတ်တမ်း တင်ထားသည့် ကျောက်စာမျိုးမှာ မြန်မာပြည်တွင်သာမက အိန္ဒိယပြည်တွင်ပါ အစောဆုံးဟု သိရသည်။ ဝေသာလီခေတ်တွင် ကျောက်စာများသာမက မော်ကွန်းလင်္ကာ၊ သျွှန်းလိုက်ရတု၊ စသည့် ရတုကဗျာများ ထွန်းကားခဲ့သည်။ အမတ်ကြီး မေဓပညာရေးသားသည့် မေဓပညာ မော်ကွန်းလင်္ကာမှာ ဝေသာလီခေတ် လက်ရာဟု ထင်ရှားသည်။ လေးမြို့ခေတ် (အေဒီ ၁၁ ရာစု ၁၅ ရာစု) တွင် ကျောက်စာအရေးအသားများများနှင့် အတူ ကဗျာစာပေများလည်း ထွန်းကားသည်။ ဗျည်း ၃၃ လုံးလင်္ကာမှာ လေးမြို့ခေတ်တွင် ပေါ်ထွန်းခဲ့ခြင်းဖြစ်ပြီး၊ မြန်မာစာပေတွင် ထင်ရှားသည့် လောကသာရပျို့ကို ရခိုင်သူမြတ်က လေးမြို့ခေတ်တွင် ရေးသားခဲ့ခြင်း ဖြစ်သည်။ လေးမြို့ခေတ် ရခိုင် ကျောက်စာများအနက် လောင်းကြက်တောင်မော် ကျောက်စာနှင့် မဟာထီး မီးကျောင်းရုပ် ကျောက်စာတို့မှာ ထင်ရှားသည်။ လောင်းကြက်တောင်မောင် ကျောက်စာသည် အလျား ပေ ၃၀ ရှိပြီး မြန်မာပြည်တွင် အကြီးဆုံး ကျောက်စာ ဖြစ်သည်။ မြောက်ဦးခေတ်တွင် ရေးစပ်သီကုံးခဲ့သော ဘဒူမင်းညို၏ ရခိုင်မင်းသမီးဧချင်း၊ နန်းတွင်းမိညို၏ ကိုယ်ရည်သွေးရတုနှင့် စာဆို ဥက္ကာပျံ၏ ၁၂ လ ရာသီ ရတုတို့မှာ ထင်ရှားသည်။ မြောက်ဦးခေတ် ရခိုင်စာဆိုတော် ဥက္ကာပျံ၏- အောက်အာကာဗွီ၊ ၀ါယောထွီ၍ ရီထက်ကားမြီ၊ မြီထက်လီနှင့် ပထ၀ီဟု၊ ထူထု နှစ်သိန်း၊ လေးသောင်းကိန်းထက်၊ ရံသိန်းစကြာဝဠာ ညီစွာဝန်းလည်၊ ကျောက်တိတည်ကား ဟူသည့် မိုးဖွဲ့ရတုသည် ရခိုင်ဘာသာစကား၊ ရခိုင်သံ၊ ရခိုင်ကာရန် ဖြင့် ရေးဖွဲ့ထားသည့် ရခိုင်စာပေ ၏ အကောင်းဆုံး သာဓက ပြယုဂ် ဖြစ်သည်။ ယဉ်ကျေးမှု မယိမ်တက် ရခိုင်သမက်တက် ရိုးရာဓလေ့ ရခိုင်ရိုးရာ ကျင်ကိုင်ပွဲ ကုန်းပြိုင်လောင်းပြိုင်ပွဲ သင်္ကြန်လ ရခိုင်ပြိုင်လောင်းပွဲ ပန်းရထားဆွဲပွဲ ဒေသထွက်ကုန်များ ရခိုင်ပြည်နယ်သည် ပင်လယ်ကမ်းမြှောင်ဒေသ ဖြစ်သောကြောင့် ရေလုပ်ငန်းမှာ အဓိက အသက်မွေး ၀မ်းကြောင်း လုပ်ငန်းဖြစ်သည်။ ကမ်းနီး ကမ်းဝေး ငါးဖမ်းလုပ်ငန်းများမှ ငါး၊ ပုဇွန်များကို ဖမ်းယူပြီး ပြည်တွင်း၊ ပြည်ပဈေးကွက်များတွင် ရောင်းချသည်။ မွေးမြူရေးကန်များဖြင့် ငါး၊ ပုဇွန် မွေးမြူရေး လုပ်ငန်းများကို လုပ်ကိုင်သည်။ ပင်လယ်ရေငန်မှ နေလှမ်းဆားလုပ်ငန်းကို လည်း တွင်ကျယ်စွာ လုပ်ကိုင်ပြီး အိမ်နီးချင်းနိုင်ငံများသို့ တင်ပို့သည်။ ငါးပိ၊ ငါးခြောက်၊ ကွမ်းသီး၊ အုန်းသီး၊ ဆေးရွက်ကြီး၊ တို့မှာ ဒေသ ထွက်ကုန်များ ဖြစ်သည်။ တွင်းထွက်များ ရမ်းဗြဲကျွန်း လေးတောင် ရေနံမြေမှ ရေနံအနည်းငယ် ထွက်ရှိသည်။ ရခိုင်ကမ်းလွန် ပင်လယ်ပြင်တွင် ဒေ၀ူးကုမ္ပဏီမှ တူးဖော်နေသော ရွှေ သဘာဝ ဓာတ်ငွေ့သိုက်သည် အရှေ့တောင်အာရှတွင် အကြီးဆုံး သဘာဝဓာတ်ငွေ့သိုက် ဖြစ်သည်။

 ဓါတ်ပုံ google